Թամանյան փողոցի 2-րդ շենքի համար 35 բնակարանը որպես ոչ բնակելի տարածք վերակառուցելու և ներկայիս «Թեմուրնոց» ռեստորանին միավորման շինթույլտվության համար քաղաքապետին էին դիմել համակառուցապատողներ Հայկ Սուվարյանը և Նարինե Սարկիսյանը։ Նրանց դիմումը Երևանի քաղաքապետ Հայկ Մարությանը բավարարել է 2019-ի նոյեմբերի 26-ին։
Շենքի բնակիչներից Արմեն Բաբայանը նշում է, որ բնակիչների մի մասը դեմ է, իսկ շինթույլտվությունը կարգի խախտմամբ է տրվել։
Արմեն Բաբայանի խոսքով՝ շենքի բնակիչները մի քանի անգամ գրություն են ուղարկել քաղաքապետարան՝ պնդելով, որ շինարարաության թույլտվությունը ապօրինի է տրամադրվել կառուցապատողներին, ինչից հետո Քաղաքաշինության, տեխնիկական և հրդեհային անվտանգության (ՔՏՀԱ) տեսչական մարմինը գրություն է ուղարկել քաղաքապետարան ու հայտնել, որ քաղաքաշինական փաստաթղթերը հիշյալ հասցեներում տրամադրվել են սահմանված կարգի խախտումով։ Նախագծման թույլտվության տրամադրման ժամանակ հաշվի չի առնվել բազմաբնակարան բնակելի շենքի համասեփականատերերի համաձայնություններն, ուստի անհրաժեշտ է կասեցնել շինարարության թույլտվությունը:
Մանրամասները՝ տեսանյութում։
