Ստորին Սաքսոնիայում՝ Գերմանիայի հյուսիս-արևմուտքում, ծերանոցի 14 բնակիչներ Pfizer պատվաստանյութով կորոնավիրուսի դեմ պատվաստվելուց հետո վարակվել են SARS-CoV-2 բրիտանական շտամով: «ՌԻԱ Նովոստիի» փոխանցմամբ՝ այս մասին գրում է Focus- ը՝ հղում կատարելով տեղական իշխանությունների հայտարարությանը:
«Բելմեի ծերանոցներից մեկում վարակի բռնկում է տեղի ունեցել կորոնավիրուսի բրիտանական B.1.1.7 շտամով: Մուտացիան հայտնաբերվել է 14 մարդու մոտ, չնայած հունվարի 25-ին բոլոր բնակիչները երկրորդ պատվաստումն են ստացել», – ասված է զեկույցում:
Ծերանոցի բոլոր բնակիչները, ինչպես նաև աշխատակիցներն ու նրանց ընտանիքի անդամները կարանտինում էին:
Օսնաբրյուկ շրջանի ներկայացուցիչ Բուրխարդ Ռիեպենհոֆի խոսքով ՝ բոլոր վարակվածների մոտ վիրուսը դրսևորվել է առանց ախտանշանների կամ թեթև ախտանշաններով, ինչը, ըստ բժիշկների, կարող է պայմանավորված լինել պատվաստումների ազդեցությամբ:
Այժմ Եվրամիությունը հաստատել է կորոնավիրուսի դեմ երեք պատվաստանյութերը ՝ Pfizer ամերիկյան դեղագործական ընկերությունից, BioNTech գերմանական ստարտափից Moderna- ն, ինչպես նաև AstraZeneca- ի դեղամիջոցը, որը ստեղծվել է Օքսֆորդի համալսարանի հետ համատեղ:
