Բրիտանական բժշկության կլինիկայի գլխավոր դեղագետ Հուսեյն Աբդեհը նշել է կորոնավիրուսի չորս ախտանշաններ, որոնք հրատապ բժշկական ուշադրություն են պահանջում։
Այս մասին հայտնում է «ՌԻԱ Նովոստի» լրատվական գործակալությունը։
«Եթե դուք լուրջ ախտանշաններ եք ունենում, ինչպիսիք են կրծքավանդակի ցավը, շնչառության խանգարումը, խոսելու կամ քայլելու դժվարությունը, ապա հաստատ պետք է հնարավորինս շուտ դիմեք բժշկի», – Daily Express- ին ասել է Աբդեհը:
Նա նաև կոչ է արել անհապաղ ինքնամեկուսանալ հիվանդության ցանկացած հիմնական ախտանշանի՝ հազի, համի և հոտի կորստի, ջերմության կամ հոգնածության առկայության դեպքում:
Աշխարհում ավելի քան 104 միլիոն մարդ վարակվել է կորոնավիրուսով, մահացել է գրեթե 2,3 միլիոն մարդ: Վարակվածության և մահերի մեծ մասը գրանցվել են ԱՄՆ-ում, Հնդկաստանում և Բրազիլիայում:
