Արցախյան պատերազմում զոհված ժամկետային զինծառայող Արսեն Ալջիկյանը բանակ էր զորակոչվել 2019 թվականի դեկտեմբերի 19-ին:
«Որդիս չլսեց իմ խնդրանքը, ասել էի՝ անպայման կգաս: Տղայիս հերոսությունն ինձ վրա շատ թանկ նստեց»,- ասում է Արսենի մայրը՝ Լուսինե Գալստյանը:
Արսեն Ալջիկյանը Ճարտարի դիրքերում 6 տանկ է խոցել: Մայրն ասում է, որ Արցախի նախագահ Արայիկ Հարությունյանն իմացել է դեպքի մասին, ցանկացել է պարգևատրել Արսենին, սակայն Արսենը հրաժարվել է դիրքը թողնել և իջնել, ասել է՝ դրա ժամանակը չի:
Արսենի մոր խոսքով՝ հրամանատարի պատճառով տղաները խրամատ չեն ունեցել, եթե խրամատ ունենային չէին զոհվի, թաքնվելու տեղ կունենային:
Արսեն Ալջիկյանը ծնվել է 2001 թվականի դեկտեմբերի 16-ին, զոհվել է 2020 թվականի նոյեմբերի 3-ին:
Արցախի նախագահ Արայիկ Հարությունյանի հրամանագրով Արսեն Ալջիկյանը հետմահու պարգևատրվել է «Մարտական ծառայություն» մեդալով:
Մանրամասները՝ տեսանյութում
