Հայազգի ռուսաստանաբնակ լրագրող Մարգարիտա Սիմոնյանը ֆեյսբուքյան իր էջում դիմել է Հայաստանի իշխանություններին։

Նրա խոսքով՝ իշխանությունների «ինտերնետային զորքերը» իրենից պահանջում են դիրքորոշում հայտնել վերջին իրադարձությունների կապակցությամբ։

Նա հանդիմանել է վերջիններիս, մասնավորապես, Ղրիմը Ռուսաստանի մաս «չճանաչելու» համար․

«Ի պատասխան Ռուսաստանից ստացած երկարատև բարության և պաշտպանության, դուք չճանաչեցիք Ղրիմը: Որովհետև դա Հայաստանի ներքին գործ է:

Բացառապես քաղաքական վրեժխնդրությունից ելնելով` դուք նստեցրել եք Ռուսաստանի ​​դաշնակից Ռոբերտ Քոչարյանին: Նստեցրել եք հատուկ, ցուցադրաբար, թքելով ձեր «ռուս ընկերների» վրա: Որովհետև դա Հայաստանի ներքին գործ է:

Դուք ողողել եք երկիրը հակառուսական հասարակական կազմակերպություններով, որոնք ձեր տարածքում գտնվող երիտասարդներին սովորեցնում են, թե ինչպես պետք է տապալեն ռուսական իշխանությունները: Դուք դարձել եք Կովկասում հակառուսական ուժերի ցատկահարթակ: Որովհետև դա Հայաստանի ներքին գործ է:

Դուք վռնդել եք Ռուսաստանի հայ գործարարներին: Դուք Ռուսաստանի հետ որևէ կապ չունեք: Որովհետև դա Հայաստանի ներքին գործ է:

Ձեր լրատվամիջոցներն ու սոցիալական ցանցերը ամեն ժամ սևացնում են Ռուսաստանին, Պուտինին, բոլոր նրանց, ովքեր սատարում են Պուտինին, հատկապես ռուսաստանցի հայերը (օրինակ՝ ես): Դուք անբախտ, արդեն անհետացող հայ ժողովրդին բաժանեցիք թշնամիների՝ ռուս հայերի և «իսկականների», ովքեր պաշտպանում են ձեր ժամանակավոր ուժին: Որովհետև դա Հայաստանի ներքին գործ է»,-նշել է նա:

Սիմոնյանի խոսքով՝ վերջին տարիների վերաբերմունքից հետո արդյոք Հայաստանի իշխանությունները իրավունք ունեն օգնություն սպասել Ռուսաստանից։

«Փաստորեն, ձեր արած ամեն ինչից հետո Ռուսաստանը բարոյական իրավունք ունի թքել ձեզ վրա, բայց նա այդպես չի վարվի։ Կօգնի նաև այս անգամ։ Քանի որ Ռուսաստանն այդպիսին է»,-նշել է նա։

Նա խորհուրդ է տվել գիշերը Նարեկացի կարդալ:

«Գուցե ձեր մեջ արթնանան հայ բարեխղճության մնացորդները և լավը գնահատելու կարողությունը: Եթե ​​դուք չունեք Նարեկացի, ապա ես ձեզ կփոխանցեմ: Այն գտնվում է իմ սեղանիկի վրա:

Ինչ վերաբերում է պատերազմին, ես երկու կողմերի միայն մի բան կասեմ. դադարեցրեք: Պատերազմից ավելի վատ բան չկա: Ես դա գիտեմ իմ սեփական փորձից: Ուղղակի կանգ առեք, քանի դեռ ուշ չէ»,-նշել է նա։