«Քաղաքացու որոշում» կուսակցության գործադիր մարմնի անդամ Միքայել Նահապետյանն անդրադարձել է մարտի 6-ին մետրոյում վարչապետ Նիկոլ Փաշինյանի մասնակցությամբ տեղի ունեցած միջադեպին։ Հիշեցնենք, որ երբ հանրաքվեին ընդառաջ վարչապետը մետրոյում «Այո»-ի բուկլետն էր բաժանում, մի աղջիկ այն պատռեց և նետեց վարչապետի վրա։
«Կադրերից առաջինում Նիկոլ Փաշինյանը ցուցադրաբար պատռում ու օդ է նետում ոստիկանության ծանուցումը, երկրորդում դրա մի կտորը իջնում է Երևանի փոխոստիկանապետ Օսիպյանի (փա՛ռք նրան գեներալի կոչում տվողին) ուսին։
Աշխարհում միլիոնավոր մարդիկ իրենց արհամարանքն են արտահայտում սեփական կառավարության նկատմամբ։ Աշխարհում միլիոնավոր մարդիկ դրանից հետո ողջ են մնում։ Ավելին՝ Սերժի օրոք ևս հնարավոր էր կառավարությանը արհամարել, բայց դրանից ամենևին Հայաստանը ժողովրդավար չէր դառնում։ Նենց որ, դադարեք մեզ «ադալժենի» հաշվել ձեր չսպանել, չծեծել, չթալանելը։ Եթե շատ ուղիղ ասեմ՝ ղալաթ կանեիք, որ կծեծեիք, կսպանեիք, կթալանեիք։
Առհասարակ կոկոսը «մազմզոտ կլոր բան» են բնութագրում նրանք, ովքեր չգիտեն ինչ կա ներսում։ Ինչի՞ սա հիշեցի, որովհետև դեմոկրատիայի հեղափոխական ընկալումը կոկոս նկարագրելու պլանկայից չի բարձրանում։
Թե բա կիրթ չէր, կոռեկտ չէր։ Կներեք, իսկ իր հարկերից աշխատավարձ ստանալով իր մասին վատ բաներ գրելը կոռեկտ է՞»,-նշում է Միքայել Նահապետյանը։
![На изображении может находиться: 1 человек](https://scontent.fevn1-4.fna.fbcdn.net/v/t1.0-9/89262140_2815187081862028_8214604585482846208_n.jpg?_nc_cat=111&_nc_sid=110474&_nc_ohc=T-YdDZM1orYAX8vX2IT&_nc_ht=scontent.fevn1-4.fna&oh=6d8714f209e07ae67509aea21d6bd2bd&oe=5E955F9B)
![На изображении может находиться: 1 человек](https://scontent.fevn1-4.fna.fbcdn.net/v/t1.0-9/88967119_2815187168528686_5103683743478972416_n.jpg?_nc_cat=107&_nc_sid=110474&_nc_ohc=T9tHQB_PAMAAX8lUwap&_nc_ht=scontent.fevn1-4.fna&oh=532a6e70ec4c1afad2967f3b9381e6d7&oe=5E93F5A0)