Երևանի պետական համալսարանի Հայ բանասիրության և Հայոց պատմության ֆակուլտների ուսանողները 2019 թվականի նոյեմբեր ամսին մի քանի օր դասադուլ են անցկացրել` իրենց բողոքը հայտնելով ԿԳՄՍ նախարարության կողմից մշակված «Բարձրագույն կրթության և գիտության մասին» օրենքի նախագծի վերաբերյալ։
Ի աջակցություն ուսանողների, դասադուլին միանալու մասին հայտարարություն էին տարածել նաև ԵՊՀ Հայ բանասիրության և Հայոց պատմության ֆակուլտների դասախոսները (նոյեմբերի 13-ին)։
Որոշ տեղեկությունների համաձայն, դասադուլին մասնակցած դասախոսների աշխատավարձերից այդ ամիս պահումներ էին կատարվել։ Իրավաբան.net-ը ճշտեց տեղեկությունը Երևանի պետական համալսարանից։
Ի պատասխան մեր գրավոր հարցման, Երևանի պետական համալսարանի ռեկտորի ժամանակավոր պաշտոնակատար Գեղամ Գևորգյանը նշել է․ «Երևանի պետական համալսարանի պրոֆեսորադասախոսական համակազմի աշխատողների 2019 թվականի նոյեմբեր ամսվա համար հաշվարկված աշխատավարձից պահումներ չեն կատարվել»։
