«ԲիզՊաշտպան» (bizprotect.am) էլեկտրոնային պորտալը շարունակում է նոր հարթակներում հանդես գալ:

ՀՀ ֆինանսների նախարարության և Իրավաբանների հայկական ասոցիացիայի համագործակցության շրջանակներում «ԲիզՊաշտպանին» ձեր հարցերն այսուհետ կարող եք ուղղել նաև ֆինանսների նախարարության գնումների համակարգման կայքում՝ gnumner.am-ում, ինչպեսև գնումների հայտերի ու պայմանագրերի հրապարակման՝ armeps.am կայքում։

Բիզնես ներկայացուցիչները կարող են իրենց մտահոգող հարցերի ու խնդիրներ մասին անանուն կամ բացահայտ կերպով տեղեկություն տրամադրել: Գնումների ոլորտի վերաբերյալ «Բիզպաշտպանը» արդեն իսկ տարբեր խնդիրների մասին տեղեկություններ է ստացել, որոնց պատշաճ կարգով ընթացք է տրվել:

2017 թվականից՝ գործարկման օրից մինչ օրս քաղաքացիներից ստացված մի շարք խնդիրներն ու խախտումները «Բիզպաշտպանի» օգնությամբ լուծվել են:

Հարկ է իմանալ, որ bizprotect.am-ի միջոցով.

• Քաղաքացիներն իրավունք ունեք իրենց հուզող բիզնես խնդիրների վերաբերյալ անանուն կերպով հայտեր ներկայացնել: Տրամադրած հայտը ամբողջությամբ կկոդավորվի: Բացի այդ, գործում են գաղտնիության հավելյալ երաշխիքներ Tor ինտերնետ բրաուզերով օգտվելու դեպքում և տեղեկություն տրամադրի համակարգչի IP հասցեն չի բացահայտվի, հետևաբար ոչ ոք չի կարողանա պարզել տեղեկություն տրամադրողի ինքնությունը:

Այս ամենից բացի Bizprotect.am-ը հնարավորություն է տալիս պետական մարմիններին իրենց գործունեության արդյունքների վերաբերյալ ազդակներ ստանալ բիզնեսի ներկայացուցիչներից, և այդ ազդակները կարևոր են իրենց աշխատանքը բարելավելու համար: