Պետությունից թանկարժեք նվեր ստացած և համակարգը լքած Էմիլ Բաբայանը պայքարում է ՍԴ դատավոր դառնալու համար

Այս պահին Ազգային ժողովը քննարկում է Սահմանադրական դատարանի դատավոր նշանակելու հարցը: ՀՀ նախագահի կողմից ներկայացվել է Էմիլ Բաբայանի թեկնածությունը: Վաղը՝ մայիսի 4-ին, Ազգային ժողովում պատագամավորները գաղտնի քվերակություն են կատարելու:

Դեռևս 2015 թվականին Իրավաբան.net-ը գրել էր պետության կողմից կատարված ռիսկային գործարքների մասին, երբ կառավարությունը պետական ծառայողների բնակարանային պայմանները բարելավելու նպատակով պետական 6 հիմնարկի հատկացրել էր 755 միլիոն դրամ:

Հատկացված այս գումարով գլխավոր դատախազությունը  «Միկմետալ» ընկերությունից գլխավոր դատախազի տեղակալ Էմիլ Բաբայանի համար գնել էր 118.55 քմ ընդհանուր մակերեսով Ադոնցի 8 հասցեի 86 բնակարանը, վճարելով` 31.5 միլիոն դրամ:

Իրավաբան.net-ի այն հարցին, թե ինչ սկզբունքով են ընտրվել աշխատակիցները, որոնց համար բնակարաններ են գնվել, դատախազության աշխատակազմի ղեկավարի կողմից հետևյալ պատասխանն էր ստացվել. «ՀՀ գլխավոր դատախազության նշված աշխատակիցները բնակվել են վարձակալությամբ և սեփականության իրավունքով չեն ունեցել բնակարաններ»: Մինչդեռ, Էմիլ Բաբայանը 2013-ին պաշտոնը ստանձնելու պահին բնակարան հայտարարագրել էր:

Մենք անդրադարձել էինք նաև հարցի մյուս կարևոագույն կողմին՝  ի՞նչ աշխատանքի կամ ծառայությունների համար էր Էմիլ Բաբայանը նման թանկ նվերի արժանացել: Բնակարանը նա ստացել է գլխավոր դատախազի տեղակալի պաշտոնը զբաղեցնելուց ընդամենը մեկ տարի հետո, այսինքն՝ համակարգում երկարատև աշխատանքի ստաժ չի ունեցել:

Ընդհանուր առմամբ, նա դատախազական համակարգում աշխատել է 3 տարի՝ պաշտոնը ստանձնել է 2013-ի հոկտեմբերի 17-ին, պաշտոնից ազատվել է 2016-ի հոկտեմբերի 18-ին:

Ներկայացնում ենք նրա կողմից ԱԺ-ին ներկայացված փաստաթղթերը՝

Իրավաբան.net

Հետևեք մեզ Facebook-ում

  Պատուհանը կփակվի 6 վայրկյանից...   Փակել