Կառավարությունը որոշում է կայացրել  «Նաիրիտ Գործարան» փակ բաժնետիրական ընկերության  հաշվեկշռում հաշվառվող Երևանի Շենգավիթ վարչական շրջանի Թամանցիների փողոցի 56/6 հասցեում գտնվող` 3961,8 քառ. մետր մակերեսով պահեստը, 24,8 քառ. մետր ծածկը և դրանցով զբաղեցված, սպասարկման և օգտագործման համար անհրաժեշտ 0,7126 հեկտար հողատարածքը, ընկերության հանդեպ գործարանի ունեցած դեբիտորական պարտքի մի մասի դիմաց օտարել:

Նշենք, որ տարածքը գնահատվել է  301,300,000 դրամ, սակայն այն կօտարվի 280,335,000 դրամով:

Որոշումն ընդունվել է ապրիլի 5-ին, ուժի մեջ է մտել ապրիլի 7-ին:

«Ա-Ս ԻՆՎԵՍԹՄԵՆԹՍ» ՍՊԸ-ն 23.02.2018թ. գրությամբ դիմել է ՀՀ վարչապետին` պատրաստակամություն հայտնելով ձեռք բերել գույքային համալիրը և այն օգտագործել իր ծրագրերի համար` արդյունաբերական և այլ գործարար նպատակների համար, մասնավորապես հիմնել`

• մեխանիկական արտադրամաս (մետաղական և փայտաշեն կոնստրուկցիաների պատրաստման նպատակով),
• ժամանակակից բետոնի գործարան,
• շինանյութերի արտադրության և վերամշակման լրակազմ կենտրոն,
• շինարարական նյութերի և կիսապատրաստուքների կենտրոնացված պահեստ,
• երկաթ-բետոնյա և բետոնյա կոնստրուկցիաների արտադրամաս,
• վարձակալությամբ տրվող պահեստային տարածքներ` կահավորված անհրաժեշտ բեռնման և բեռնաթափման սարքավորումներով,
• վարձակալությամբ տրվող մատչելի գրասենյակային տարածքներ փոքր և միջին բիզնեսի համար,
• բարձրորակ և միաժամանակ մատչելի հյուրանոցային համալիր,
• շինարարական, գյուղատնտեսական, մանր և միջին տեխնիկայի ցուցասրահ, պահեստ, ինչպես նաև սպասարկման, վաճառքի ու վարձակալության կենտրոն,
• ծանր շինարարական, գյուղատնտեսական տեխնիկայի և տրանսպորտային միջոցների սպասարկման կենտրոն և կայանատեղի,
• միջպետական բեռնափոխադրումներ իրականացնող մեքենաների կայանման վայր: