«Եկամտային հարկի և սոցիալական վճարի անձնավորված հաշվառման մասին» ՀՀ օրենքի 16–րդ հոդվածի համաձայն սահմանվում է, որ `
Գործատուն իրավունք ունի`
1) իր վարձու աշխատողներից և պայմանագրային եկամուտ ստացողներից պահանջելու և ստանալու ներկայացված տվյալները հաստատող փաստաթղթեր.
2) օրենքով սահմանված կարգով ճշտելու տեղեկատվական բազա ներառված` իր վարձու աշխատողներին և պայմանագրային եկամուտ ստացողներին վերաբերող տվյալները:
Գործատուն պարտավոր է`
1) օրենքով սահմանված կարգով և ժամկետներում լիազոր մարմին ներկայացնել օրենքով սահմանված անձնավորված հաշվարկ և գրանցման հայտեր.
2) իր վարձու աշխատողի և պայմանագրային եկամուտ ստացողի գրավոր դիմումի հիման վրա նրան անվճար տրամադրել լիազոր մարմին ներկայացրած նրա անձնական տվյալների կրկնօրինակը:
