Իրանի հարավ-արևմուտքում գտնվող Խուզեստան նահանգի Աբադան քաղաքի նավթավերամշակման գործարանում հրդեհ է բռնկվել։ Հրդեհը վերահսկողության տակ է։
Ինչպես հաղորդում է «Արմենպրես»-ը, վկայակոչելով «ՌԻԱ Նովոստի»-ին, այս մասին հաղորդում է Tasnim լրատվական գործակալությունը՝ հղում անելով Աբադանի նավթավերամշակման գործարանի հասարակայնության հետ կապերի ծառայությանը։
«Արտակարգ իրավիճակների արձագանքման ուժերը ներկայումս աշխատում են հրդեհը մարելու ուղղությամբ», – ասվում է հայտարարության մեջ։
Tasnim-ի փոխանցմամբ՝ նավթավերամշակման գործարանում արտադրությունը շարունակվում է առանց ընդհատումների։
