Մարտի 23-ին՝ ժամը 17։00-ի դրությամբ, Անիի, Արթիկի, Տաշիրի, Հրազդանի, Սևանի,Գավառի տարածաշրջաններում, Սարավանի և Վարդենյաց լեռնանցքներում ձյուն է տեղում, Աշոցքի, Աբովյանի տարածաշրջաններում՝ ձնախառն անձրև։
Այս մասին հայտնում է ճանապարհային դեպարտամենտը։
Բքի պատճառով Վարդենյաց լեռնանցքը դժվարանցանելի է կցորդով տրանսպորտային միջոցների համար։
Միջպետական և հանրապետական նշանակության բոլոր ավտոճանապարհները բաց են:
Ճանապարհաշինարարներն ավտոճանապարհներին իրականացնում են մաքրման և աղ-ավազով մշակման աշխատանքներ:
Վթարներից, պատահարներից և խցանումներից խուսափելու համար վարորդներին խորհուրդ է տրվում երթևեկել բացառապես ձմեռային անվադողերով:
