Հյուսիսային Կորեայի առաջնորդ Կիմ Չեն Ընը հայտարարել է, որ երկրի բանակը պետք է շարունակաբար պատրաստվի՝ նվաճելու Հարավային Կորեայի ողջ տարածքը՝ կողմերի միջև միջուկային հակամարտության դեպքում և պատրաստ լինի մոբիլիզացնելու բոլոր միջոցները, այդ թվում՝ միջուկային։
Այս մասին հայտարարել է Հյուսիսային Կորեայի ղեկավարը, ԿԺԴՀ աշխատավորական կուսակցության կենտկոմի լիագումար նիստում, որն անցկացվեց դեկտեմբերի 26-ից 30-ը, ավարտական ելույթը կատարելով «2024-ի համար պայքարի ուղղությունների վերաբերյալ»: Այս մասին փոխանցում է РИА Новости-ն։
Կիմ Չեն Ընը շեշտել է, որ երկրի բանակը պետք է «զգոնորեն» վերահսկի Կորեական թերակղզում անընդհատ փոփոխվող անվտանգության իրավիճակը, նրբորեն վերահսկի այն և արձագանքի ճնշող դիրքից՝ ձեռնարկելով ավելի մանրակրկիտ ռազմական միջոցներ՝ պետության անվտանգությունը պաշտպանելու համար։
ԿԺԴՀ առաջնորդը հավելել է, որ երկիրը պետք է շարունակի զարգացնել պաշտպանական հնարավորությունը եւ հետագայում բարձրացնել այս ոլորտում արդեն ձեռք բերված հաջողությունները:
