Պոլիտեխնիկում մեկնարկել է 30 կՎտ հզորությամբ արևային ֆոտէլեկտրական կայանի կառուցման աշխատանքները:
Այս մասին ֆեյսբուքյան իր էջում գրել է ՀԱՊՀ ռեկտոր Գոռ Վարդանյանը։
«Պետք է արձանագրեմ, որ այն ամբողջությամբ նախագծվել և կառուցվում է մեր մասնագիտական թիմի կողմից:
Մեր նպատակն է հնարավոր բոլոր տարբերակներով Պոլիտեխնիկում շարունակաբար զարգացնել և աջակցել կիրառական նշանակությամբ խնդիրներ լուծող մասնագիտական թիմերին, որոնք մեր ոլորտին բնորոշ ծառայություններ կմատուցեն թե համալսարանին և թե մասնավոր ոլորտին:
Եվ սա այն ճանապարհն է, որը ուղիղ իմաստով ազդելու է մասնագիտական կրթության որակի բարձրացմանը և կիրառական խնդիրներ լուծելու ունակություն ունեցող մասնագիտական համայնքի թվակազմի մեծացմանը:
Նախագիծը ֆինանսավորվել է Բուլղարիայի Կառավարության կողմից «Կրթության որակի բարձրացումը կայուն նորարարական տեխնոլոգիաների միջոցով» ծրագրի շրջանակներում»:
