Iravaban.net-ը հաղորդում է վկայակոչելով ՀՀ քննչական կոմիտեին, որ կոմիտեի նախագահ Արթուր Պողոսյանը ս.թ. սեպտեմբերի 26-ին հրաման է ստորագրել Լևոն Եղոյանին Քննչական կոմիտեի կարգապահական հանձնաժողովի անդամ նշանակելու մասին։
«Ղեկավարվելով «Հայաստանի Հանրապետության քննչական կոմիտեի մասին» Հայաստանի Հանրապետության օրենքի 12-րդ հոդվածի 2-րդ մասի 3-րդ կետով և 15-րդ հոդվածի 2-րդ մասով՝
- Դադարեցնել Հայաստանի Հանրապետության քննչական կոմիտեի կարգապահական հանձնաժողովում Գևորգ Սուրենի Բաղդասարյանի լիազորությունները։
- Հայաստանի Հանրապետության քննչական կոմիտեում անցկացված վիճակահանության կարգով՝ պետության, սահմանադրական կարգի հիմունքների և հասարակական անվտանգության դեմ ուղղված հանցագործությունների քննության գլխավոր վարչության պետի պաշտոնակատար Լևոն Արտուշի Եղոյանին նշանակել Հայաստանի Հանրապետության քննչական կոմիտեի կարգապահական հանձնաժողովի անդամ՝ երեք տարի ժամկետով», – ասվում է Քննչական կոմիտեի նախագահի ստորագրած հրամանում։
Iravaban.net-ը ներկայացնում է Լևոն Եղոյանի կենսագրությունը.
Լևոն Արտուշի Եղոյանի
կենսագրությունը
Ծնվել է 1981թ. հոկտեմբերի 26-ին, Վայք քաղաքում:
2003թ. ավարտել է Երևանի պետական համալսարանի իրավագիտության ֆակուլտետի բակալավրիատը, 2007թ.՝ նույն բուհի իրավագիտության ֆակուլտետի մագիստրատուրան:
2003-2005 թթ. ծառայել է ՀՀ զինված ուժերում:
Աշխատանքային գործունեություն
2007-2008թթ.` ՀՀ ոստիկանության քննչական գլխավոր վարչության Վայոց ձորի մարզի քննչական բաժնի քննիչ
2008-2013թթ.` ՀՀ ոստիկանության քննչական գլխավոր վարչության Վայոց ձորի մարզի քննչական բաժնի Վայք-Ջերմուկ քննչական խմբի քննիչ, ապա՝ ավագ քննիչ
2013-2014թ.` ՀՀ ՊՆ N զորամասի քննիչ, ՀԿԳ քննիչ՝ ապա հրամանատարի տեղակալ
2014-2018թթ.` ՀՀ քննչական կոմիտեի զինվորական քննչական գլխավոր վարչության ութերորդ կայազորային քննչական բաժնի պետի տեղակալ
2018-2019թթ.` ՀՀ քննչական կոմիտեի զինվորական քննչական գլխավոր վարչության հատկապես կարևոր գործերի քննության վարչության ՀԿԳ քննիչ,
2019-2020թ.` ՀՀ հատուկ քննչական ծառայության խոշտանգումների և մարդու դեմ ուղղված հանցագործությունների քննության վարչության հատկապես կարևոր գործերի քննիչ
2020-2024թթ.` ՀՀ ազգային անվտանգության ծառայության քննչական դեպարտամենտի, այնուհետև՝ քննչական գլխավոր վարչության 3-րդ բաժնի պետ,
I-II.2024թ.` ՀՀ քննչական կոմիտեի պետության, սահմանադրական կարգի հիմունքների և հասարակական անվտանգության դեմ ուղղված հանցագործությունների քննության գլխավոր վարչության երրորդ վարչության պետ
II-V.2024թ.` ՀՀ քննչական կոմիտեի պետության, սահմանադրական կարգի հիմունքների և հասարակական անվտանգության դեմ ուղղված հանցագործությունների քննության գլխավոր վարչության երկրորդ վարչության պետ
Պարգևներ
Ծառայողական պարտականությունները բարեխղճորեն կատարելու համար խրախուսվել է գերատեսչական տարբեր պարգևներով:
Այլ տվյալներ
Ամուսնացած է, ունի 3 երեխա:
