Ռուսաստանում՝ Նիժնևարտովսկում կենցաղային գազի պայթյունի հետևանքով չորս մարդ է զոհվել․ այս մասին գրում է РИА Новости-ին՝ հղում անելով երկրի արտակարգ իրավիճակների նախարարությանը։
Քաղաքային իշխանությունները հայտնել են, որ տուժածների թիվը հասել է տասի։
Նշվում է, որ պայթյունը տեղի է ունեցել տեղական ժամանակով մոտ 18:06-ին, Միրա փողոցի բնակելի շենքում։ Փլուզվել են երկրորդ և երրորդ հարկերի առաստաղները։
Արտակարգ իրավիճակների նախարարությունը նշել է, որ փրկարարները ժամանել են պայթյունից չորս րոպե անց։ Շենքից տասը մարդ է փրկվել, 52-ը ինքնուրույն էվակուացվել։ Ներկայումս տեղում աշխատում է 109 մարդ և 30 միավոր տեխնիկա։
Քաղաքապետը մանրամասնել է, որ ըստ նախնական տեղեկությունների, տանը գազի բալոն է պայթել։ Շենքը գազաֆիկացված չի եղել։
