«ՏԱՍՍ» լրատվական գործակալությունը հայտնում է, որ Տոկիոյի բժշկական գիտությունների ինստիտուտի մի խումբ ճապոնացի գիտնականներ կորոնավիրուսի դեմ պատվաստանյութ են մշակում, որը կպաշտպանի մարդուն վիրուսից՝ ողջ կյանքի ընթացքում։ Ըստ The Japan Times-ի դեղամիջոցի կլինիկական փորձարկումները հավանաբար կսկսվեն 2023 թվականին:
Ճապոնացի գիտնականների գաղափարն է ստեղծել վիրուս ռեկոմբինանտ պատվաստանյութ, որը պարունակում է SARS-CoV-2 վիրուսի սպիտակուցը, որն էլ առաջացնում է COVID-19: Նրանց կարծիքով՝ այս մոտեցումը կարող է հանգեցնել կորոնավիրուսից ցմահ բջջային իմունիտետի ձևավորմանը։
Պատվաստանյութի այս տեսակը տեղափոխման ու պահպանման հատուկ մեթոդների կարիք չունի։
Ճապոնական Nobelpharma դեղարտադրող ընկերությունը պատրաստվում է հաջորդ տարվա առաջին կիսամյակում անցկացնել այս պատվաստանյութի կլինիկական փորձարկումների առաջին և երկրորդ փուլերը։
Ակնկալվում է, որ ուսումնասիրությանը կմասնակցի 150-200 մարդ, ներառյալ նրանք, որոնք հիվանդացել են կորոնավիրուսով, ինչպես նաև նրանք, որոնք արդեն պատվաստվել են վիրուսի դեմ:
Եթե նոր պատվաստանյութի արդյունավետությունն ու անվտանգությունը հաստատվի, կմեկնարկի կլինիկական փորձարկումների վերջնական փուլը և ծրագրի ֆինանսավորման դեպքում հնարավոր կլինի դեղամիջոցը շուկա հանել 2024 թվականին:
