Նոյեմբերի 8-ին հեռախոսազրույց է տեղի ունեցել Ռուսաստանի արտաքին գործերի նախարար Սերգեյ Լավրովի և Ադրբեջանի արտաքին գործերի նախարար Ջեյհուն Բայրամովի միջև։
Այս մասին հայտնում է Ռուսաստանի արտաքին գործերի նախարարությունը։
«Նախարարները շարունակել են կարծիքների փոխանակումը 2020թ. նոյեմբերի 9-ին Հայաստանի վարչապետի, Ադրբեջանի և Ռուսաստանի նախագահների եռակողմ հայտարարության ընդունման տարելիցի նախաշեմին:
Արտաքին հարաբերությունների գերատեսչությունների ղեկավարները քննարկել են նաև երկկողմ հարաբերությունների և տարածաշրջանային օրակարգի արդիական հարցեր»,- ասված է հայտարարության մեջ։
