Ուկրաինայի Նախագահ Վլադիմիր Զելենսկու կինը ՝ Ելենան, վարակվել է կորոնավիրուսով և անցնում է ամբուլատոր բուժում, նախագահի և երեխաների COVID-19- ի թեստի արդյունքները բացասական են:
Այս մասին հայտնում է Ria.ru-ն
Ավելի վաղ Զելենսկին ասել էր, որ ինքը ցանկանում է վարակվել կորոնավիրուսով, որպեսզի մարդկանց իր օրինակով ցույց տա, որ «սա ժանտախտ չէ»։
Ըստ մամուլի ծառայության, Զելենսկայան աշխատանքային հանդիպումների ընթացքում և տանը հավատարիմ է եղել կարանտինի կանոններին: Հունիսի սկզբին կատարված նախնական թեստի արդյունքները բացասական էին:
Որտեղ և երբ է վարակվել, դեռևս անհայտ է, կատարվում է համաճարակաբանական հետազոտություն: Բոլոր կոնտակտավոր անձինք անմիջապես տեղեկացվել են այդ մասին:
