Երևանի ավագանու անդամ Աննա Ջավախյանը դիմել է Երևանի քաղաքապետ Հայկ Մարությանին՝ մանկապարտեզ հաճախող երեխաներին հիվանդության պատճառով ստացած բացակաների պատճառով դուրս մնալ չթողնելու վերաբերյալ։
Այս մասին Իրավաբան.net-ը տեղեկանում է ավագանու անդամից։
«Քանի որ վերջերս շատ ծնողներ են ինձ դիմել, ում երեխաները համարյա լրացրել են հիվանդությունների համար սահմանված 40 բացակաների տարեկան շեմը և կարող են դուրս մնալ մանկապարտեզից, որոշեցի հանդես գալ բացակաների գրանցման կարգը վերանայելու առաջարկով։ Ոչ մի երեխա իր կամքով չի հիվանդանում, և կարծում եմ՝ աններելի է հիվանդության պատճառով ստացած բացակաների պատճառով մանկապարտեզ հաճախելուց երեխային զրկելը, ծնողին էլ այդ մասին անընդհատ հիշեցնելով՝ ստիպելը, որ հիվանդ երեխային բերի մանկապարտեզ։ Կարևորում եմ այս հարցի համակարգային լուծումը»,-նշում է նա։
![](https://iravaban.net/wp-content/uploads/2020/02/85008418_10157291942548369_8818772335021522944_o.jpg)
![](https://iravaban.net/wp-content/uploads/2020/02/85137029_10157291942693369_898145723940339712_o.jpg)