Ինչպես և յուրաքանչյուրս, դատավորները նույնպես արդակուրդի և հանգստի իրավունք ունեն:
Իսկ ի ՞նչ կարգով է դատավորներին արձակուրդ տրամադրվում:
Նախ պետք է նշել, որ դատավորների ամենամյա հերթական արձակուրդի տրամադրման ժամանակացույցը պետք է կազմվի այնպես, որ չխոչընդոտի դատարանի բնականոն գործունեությունը։
Դատավորների ամենամյա հերթական արձակուրդի տրամադրման ժամանակացույցը հաստատվում է համապատասխան դատարանի նախագահի հրամանով՝ հաշվի առնելով դատավորների ցանկությունը։
Յուրաքանչյուր հաջորդ տարվա արձակուրդների ժամանակացույցը կազմվում և հաստատվում է մինչև ընթացիկ տարվա դեկտեմբերի 15-ը։
Ժամանակացույցի մեկ օրինակն ուղարկվում է Հայաստանի Հանրապետության դատական դեպարտամենտի ղեկավարին` ի գիտություն։
Ամենամյա հերթական արձակուրդը դատավորներին տրամադրվում է տվյալ տարվա ընթացքում՝ համաձայն ժամանակացույցի:
Յուրաքանչյուր աշխատանքային տարվա համար ամենամյա արձակուրդը տրամադրվում է տվյալ տարում։ Աշխատանքի առաջին տարվա համար ամենամյա արձակուրդը, որպես կանոն, տրամադրվում է տվյալ դատարանում անընդհատ աշխատանքի վեց ամիսը լրանալուց հետո։
Ամենամյա արձակուրդի տեղափոխումը թույլատրվում է միայն դատավորի միջնորդությամբ կամ համաձայնությամբ և կատարվում է համապատասխան հրամանով։ Տեղափոխված ամենամյա արձակուրդը, որպես կանոն, տրամադրվում է նույն աշխատանքային տարում։ Դատավորի միջնորդությամբ կամ համաձայնությամբ ամենամյա արձակուրդի չօգտագործված մասը կարող է տեղափոխվել և միացվել հաջորդ տարվա ամենամյա արձակուրդին կամ տրամադրվել առանձին։
Աղբյուրը` Իրավաբան.net
