ՀՀ կոռուպցիայի դեմ պայքարի խորհրդի կազմում ընդգրկվելու նպատակով ապրիլի 28-ից մրցույթ է հայտարարվել, սակայն առ այսօր ոչ մի ՀԿ հայտ չի ներկայացրել՝ մասնակցելու այդ մրցույթին: ՀՀ կառավարության աշխատակազմից Մարինե Թովմասյանը, ով հայտեր ընդունելու հետ կապված պատասխանատու անձն է Իրավաբան.net-ին հաղորդեց, որ այս պահին որևէ հայտ չկա՝ հավելելով, որ ոչ էլ հետաքրքրվողների զանգեր են եղել: Մրցույթի վերջնաժամետը նշանակված է մայիսի 13-ը:
Նշենք, որ այս խորհրդում ընդգրկվելու համար անցկացվող մրցույթին մասնակցելուց հրաժարվել է 70-ից ավելի ՀԿ-ի միավորմամբ ստեղծված հակակոռուպցիոն կոալիցիան, ինչպես նաև շուրջ 150 ՀԿ-ից կազմված Պետական կառույցների հետ համագործակցության Հանրային ցանցը` հանդես գալով համապատասխան հայտարարությամբ, ՄԱԿ-ի Տնտեսական և սոցիալական խորհրդում (ECOSOC) հատուկ խորհրդատվական կարգավիճակ ունեցող հայաստանյան հասարակական կազմակերպությունների դաշինքը, իսկ «Թրանսփերենսի ինթերնեշնլ» (ԹԻ) հակակոռուպցիոն ՀԿ-ն, որի մասնակցել է հակակոռուպցիոն ռազմավարության հայեցակարգի մշակմանը, նախընտրում է մնալ դիտորդի կարգավիճակում:
