Մենք տնօրենի թափուր տեղ ունեցող դպրոցներից միայն 30 տոկոսում ենք մինչ այս պահը կարողացել նշանակել տնօրեն՝ 437-ից 138 դպրոցներում։
Այս մասին Կառավարության հերթական նիստի ընթացքում ասաց վարչապետ Նիկոլ Փաշինյանը։
«Ես ճի՞շտ հասկացա Ձեզ, որ 100 թեկնածուից 13-ն է հաղթահարում դպրոցի զարգացման ծրագրի պաշտպանության փուլը։ Ես ճիշտ հասկացա՞ Ձեզ, որ եթե շարունակենք այդ նույն տրամաբանությամբ, այդ 13 հոգուց, ըստ էության, 5-ն է, որ հաջորդ փուլում արդեն ռեալ հավակնում է, նշանակվում է տնօրեն՝ չափանիշներին համապատասխանելու դեպքում»,-վարչապետը դիմեց ԿԳՄՍ նախարար Ժաննա Անդրեասյանին, ինչին ի պատասխան նախարարը դրական պատասխան տվեց։
Նիկոլ Փաշինյանը նշեց՝ ի վերջո պետք է անեն քաղաքական արձանագրում, որ ՀՀ-ում ընդհանուր առմամբ բոլոր ոլորտներում կա կադրային ճգնաժամ։
Մանրամասները՝ տեսանյութում։
