Մարտի 22-ին «Փյունիկ» բարեգործական հիմնադրամի աջակցությամբ բացվեց նկարիչ Գարրի Արզումանյանի անհատական ցուցահանդեսը, որը շարունակվեց մինչև մարտի 30-ը։
Գարրին պատմեց, որ նկարել սկսել է շատ վաղ տարիքից, ասում է՝ ծնողների պատմելով՝ 3-4 տարեկանից արդեն իսկ տարված էր նկարչությամբ, հետո արդեն գերվել է Այվազովսկու գործերով․ «Մի անգամ այցելեցի Ազգային պատկերասրահ և սիրահարվեցի Հովհաննես Այվազովսկուն»։
Մինչև 10-ը տարեկանը ակտիվորեն զբաղվել է նկարչությամբ, հետո հանգամանքների բերումով դադար է եղել, նույնիսկ մինչև 32 տարեկան։
«Շատ հասուն տարիքում նոր շնչառություն բացվեց, և այս անգամ՝ բացվեց ընդմիշտ։ Ըստ էության ներշնչվում եմ ամեն ինչով․ ոչ միայն ծովով, ոչ միայն Այվազովսկու կտավներով, հենց կյանքն է իմ ներշնչանքը»,-նշեց նկարիչը։
Հատկանշական է, որ Գարրի Արզումանյանի գործերում գերակշռում է կապույտ գույնը, ջուրը։ Նկարներից յուրաքանչյուրն ինքնատիպ ոճ ու ասելիք ունի։
Մանրամասները՝ տեսանյութում։
