Վլադիմիր Զելենսկին շնորհավորել է Դոնալդ Թրամփին՝ պաշտոնը ստանձնելու կապակցությամբ։
Ուկրաինայի նախագահն ասել է, որ Թրամփի «խաղաղություն՝ ուժի միջոցով» քաղաքականությունը հնարավորություն է տալիս ամրապնդել ամերիկյան ղեկավարությունը և հասնել կայուն և արդար խաղաղության, որը առաջնահերթություն է։
Զելենսկին հաջողություն է մաղթել Թրամփին պաշտոնում և հույս է հայտնել ակտիվ և փոխշահավետ համագործակցության համար, որը կապահովի անվտանգությունն ու կայունությունը Ուկրաինայի, ԱՄՆ-ի և ողջ աշխարհի համար։
Ինչպես փոխանցում է ТАСС-ը՝ ԱՄՆ Կոնգրեսի կենտրոնական դահլիճում՝ «Ռոտոնդա»-ում իր երդմնակալության ելույթի ժամանակ Դոնալդ Թրամփը ոչ մի բառ չհիշատակեց Ռուսաստանի և Ուկրաինայի մասին։
Հատկանշական է, որ ավելի վաղ Թրամփը հայտնել էր, որ պատրաստվում է վերջ դնել ռուս-ուկրաինական հակամարտությանը։
