Բաքվում Իրանի գործերի ժամանակավոր հավատարմատարն այսօր կանչվել է Ադրբեջանի արտաքին գործերի նախարարություն, հայտնում են ադրբեջանականլրատվամիջոցները։

Նշվում է, որ պատճառը Ադրբեջանի և նախագահ Իլհամ Ալիևի հասցեին վիրավորական հայտարարություններն էին, որոնք արվել են 2024 թվականի դեկտեմբերի 29-ին Արդաբիլում Իրանի գերագույն առաջնորդի ներկայացուցիչ այաթոլլա Սեյեդ Հասան Ամելիի մասնակցությամբ միջոցառմանը։

Ադրբեջանի ԱԳՆ-ի հաղորդագրության մեջ նշվում է, որ ադրբեջանական կողմը խիստ բողոք է հայտնել Իրանին՝ կապված վերը նշված միջադեպի հետ, նաև դժգոհություն է արտահայտվել վերջերս Իրանի բնակչության շրջանում ակնհայտ հակաադրբեջանական տրամադրությունների բորբոքման կապակցությամբ։