Մարտի 28-ին, ժամը 20։44-ին Արմավիրի մարզային փրկարարական վարչության ճգնաժամային կառավարման կենտրոն ահազանգ է ստացվել, որ Արտամետ գյուղի դաշտամիջյան հատվածում այրվում է տնակ։
Այս մասին հայտնում են ՆԳՆ փրկարար ծառայությունից։
Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատներից երկու մարտական հաշվարկ:
Պարզվել է, որ հրդեհը բռնկվել է վագոն-տնակում (մոտ 36 քմ)։
Հրդեհը մեկուսացվել է ժամը 21:20-ին, մարվել՝ մարտի 29-ին, ժամը 01:26-ին: Այրվել է վագոն-տնակը՝ կենցաղային իրերով։
