Անթույլատրելի է Հայրենական Մեծ պատերազմին, Սովետական Միության զինվորականներին նվիրված հուշարձանների ավերումը՝ անկախ այն փաստից, թե որտեղ, ում կողմից է արվում կամ ինչպիսի մակարդակի վրա են գտնվում մեր հարաբերությունները:
«Արմենպրես»-ի թղթակցի հաղորդմամբ՝ այս մասին ամենշաբաթյա ճեպազրույցի ժամանակ հայտարարել է Ռուսաստանի Դաշնության ԱԳՆ պաշտոնական ներկայացուցիչ Մարիա Զախարովան՝ անդրադառնալով Լեռնային Ղարաբաղում ադրբեջանցիների կողմից Հայրենական Մեծ պատերազմի հերոսների հուշարձանների ավերմանը վերաբերող հարցին:
«Մենք ուշադիր հետևում են նմանատիպ դեպքերին: Ադրբեջանցի մեր գործընկերների հետ երկկողմ շփումների ժամանակ նման փաստերն անպայման քննարկում ենք»,- ասել է Զախարովան:
ՌԴ ԱԳՆ պաշտոնական ներկայացուցչի խոսքով՝ Բաքուն և Երևանը պետք է հարգեն այն ընդհանուր պատմությունը, որն ունեցել են միասին և որոնց մասին առաջնահերթորեն փաստում են այդ հուշարձանները:
