Հայաստանի սպորտի և երիտասարդության հարցերի նախարար Յուրի Վարդանյանի որդին կալանավորվել է:
Այս տեղեկությունը Իրավաբան.net-ի թղթակցի hետ զրույցում հաստատեցին ոստիկանության լրատվության բաժնից:
Դավիթ Վարդանյանի նկատմամբ մեղադրանք է առաջադրվել ՀՀ քրեական օրենսգրքի 268 հոդվածի 3-րդ մասի հատկանիշներով: Այսինքն՝ առանձնապես խոշոր չափերով թմրամիջոցներ կամ հոգեմետ նյութեր ապօրինի պատրաստելը, վերամշակելը, ձեռք բերելը, պահելը, փոխադրելը կամ առաքելը» և 215 հոդվածի 2-րդ մասի հատկանիշներով` թմրամիջոցների մաքսանենգությունը: Նշված հոդվածներից առաջինը սահմանում է ազատազրկում 2-ից 6 տարի ժամկետով, իսկ երկրորդը՝ 2-ից 4 տարի ժամկետով:
Տղայի նկատմամբ որպես խափանման միջոց է ընտրվել երկամսյա կալանավորումը:
Գործը քննվում է ՀՀ ոստիկանության քննչական գլխավոր վարչության հատկապես կարևոր գործերով քննության վարչությունում:
Իրավաբան.net
