Երեկ ուշ երեկոյան ուժեղ փոթորիկ է հարվածել Բաթումիին։ Փոթորիկը վնաս է հասցրել քաղաքի ենթակառուցվածքին, քամին տապալել է բազմամյա ծառեր, վնասվել են մի քանի մեքենաներ։
Ուժեղ քամին պոկել է տների տանիքներ, վնասվել են էլեկտրասյուներ, արտաքին լուսավորության սյուներ, կանգառներ։
Բաթումիի քաղաքապետարանից հայտնել են, որ առավոտից աշխատանքներ են տարվում երեկվա աղետի հետեւանքները վերացնելու ուղղությամբ։
