Ադրբեջանի մայրաքաղաք Բաքվում, շինանյութի խոշոր շուկայում բռնկված հրդեհի հետևանքով մեկ մարդ է մահացել։ Այս մասին գրում է ТАСС լրատվական գործակալությունը։
Հայտնում են, որ դեպքի վայր է մեկնել շտապօգնության երկու խումբ։
Արտակարգ իրավիճակների նախարարության հակահրդեհային պաշտպանության պետական ծառայության պետի տեղակալը ադրբեջանական APA գործակալությանը հայտնել է, որ հրդեհի տարածքը կազմում է մոտ 4 հազար քառակուսի մետր։
Հրդեհի պատճառների մասին դեռևս չի հաղորդվում։
