Երեք պանդա՝ Վաշինգտոնի Սմիթսոնյան ազգային կենդանաբանական այգու բնակիչներից, կվերադառնան Չինաստան, հաղորդում է CBS-ը, փոխանցում է «Ռիա Նովոստի»-ն:
Ինչպես հիշեցնում է հեռուստաալիքը, պանդաները կվերադառնան հայրենիք ԱՄՆ-ում 23 տարի մնալուց հետո։ 2000 թվականին նրանց բերեցին Վաշինգտոնի կենդանաբանական այգի՝ հետազոտական և բուծման ծրագրի շրջանակներում, իսկ 2020 թվականին նրանք ծնեցին Սյաո Ցիջի անունով պանդային, որ այժմ նույնպես իր ծնողների հետ կմեկնի Չինաստան։
Պանդաների մեկնումը ամերիկյան մայրաքաղաքից նախատեսված է մոտավորապես ժամը 13.00-ին ( Երևանի ժամանակով 22.00-ին): Բեռնատարները կտեղափոխեն կաթնասուններին Դալլսի օդանավակայան, որտեղ նրանց կտեղափոխեն «FedEx Panda Express»՝ հատուկ նշանակված Boeing 777F՝ անհատական գծանշումներով։
1980-ական թվականներից Չինաստանը սկսեց վարձակալությամբ հսկա պանդաներ տալ՝ այլ երկրների հետ հարաբերություններն ամրապնդելու համար։ Պայմանավորված ժամկետից հետո կենդանիները վերադառնում են հայրենիք, հայրենիք են վերադառնում նաև նրանց ձագերը։
Պանդաների վերադարձը Չինաստան տեղի կունենա Սան Ֆրանցիսկոյում ԱՄՆ նախագահ Ջո Բայդենի և Չինաստանի նախագահ Սի Ցզինպինի գագաթնաժողովի նախապատրաստման ֆոնին։ Սպիտակ տան մամուլի քարտուղար Կարին Ժան Պիերը ավելի վաղ դժվարացել էր պատասխանել լրագրողների այն հարցին, թե արդյոք Բայդենը մտադիր է բարձրացնել Վաշինգտոնում պանդաների ընտանիքի մնալու ժամկետը երկարաձգելու հարցը։
