Եթե Հայաստանի ղեկավարությունը լսեր իմ խոսքերը, ապա Ղարաբաղյան Երկրորդ պատերազմի կարիքը չէր լինի: Այս մասին օկուպացված Ստեփանակերտում հայտարարել է Իլհամ Ալիևը։
«Եթե Հայաստանի ղեկավարությունը և նրա թիկունքում կանգնած որոշ արտաքին ուժեր այն ժամանակ և այսօր լսեին իմ խոսքերը, ապա Ղարաբաղյան Երկրորդ պատերազմի կարիքը չէր լինի։ Ես բազմիցս ասել եմ՝ դիմելով Հայաստանի ղեկավարությանը. եթե չլքեք «մեր հողերը» (չակերտները՝ Iravaban.net-ի), դեմ առ դեմ կհանդիպեք մեզ հետ մարտի դաշտում։ Անկախ նրանից, թե ով է կանգնած ձեր թիկունքում, դա չի կարող մեզ ստիպել շեղվել մեր արդար ճանապարհից։ Սա եւս մեկ անգամ ցույց տվեց 44-օրյա պատերազմը»։
