Հնդկաստանի Քերալայի նահանգում «Եհովայի վկաներ» աղանդավորական շարժման հանդիպման ժամանակ մի շարք պայթյուններ են որոտացել, որոնց հետևանքով 3 մարդ է զոհվել, ավելի քան 50-ը՝ վիրավորվել։ «Արմենպրես»-ի փոխանցմամբ՝ այս մասին հաղորդում է BBC-ն։
Դեպքը տեղի է ունեցել Կոչի քաղաքի մերձակայքում, հոկտեմբերի 29-ին տեղի ունեցած հավաքի ժամանակ․ եռօրյա միջոցառմանը ներկա էր ավելի քան 2000 մարդ։
Միջադեպից կարճ ժամանակ անց Դոմինիկ Մարտին անունով մի տղամարդ Facebook սոցիալական ցանցում խոստովանել է, որ ինքն է իրականացրել հարձակումը։ 48-ամյա տղամարդը նշել է, որ խմբի գրանցված անդամ է, և իրեն զայրացրել են կազմակերպության «ապազգային քարոզները»։
«Եհովայի վկաների» տարածաշրջանային խոսնակը հայտնել է, որ առաջին պայթյունը տեղի է ունեցել աղոթքի վերջում՝ սրահի մեջտեղում։ Վայրկյաններ անց միաժամանակ ևս երկու պայթյուն է տեղի ունեցել սրահի երկու կողմերում։
Տղամարդը ձերբակալված է։
