Թուրքիայի նախագահ Ռեջեփ Թայիփ Էրդողանն օգոստոսի 8-ին Անկարայում անցկացված «Դիվանագետների 14-րդ կոնֆերանս»-ի ընթացքում անդրադարձել է Իրաքի տարածքում իրականացվող ռազմական օպերացիաներին: Այս մասին գրում է Ermenihaber.am-ը։
Նա նշել է, որ Իրաքի տարածքում Թուրքիայի կողմից ահաբեկչական համարվող քրդական խմբավորումների դեմ իրականացվող օպերացիաները շարունակական բնույթ են կրելու:
Բացի այդ, Էրդողանն նշել է, որ այդ գործողությունները իբր համաձայնեցված են իրաքյան իշանությունների հետ:
Թուրքիայի նախագահը խոսել է նաև Թուրքիայում գտնվող փախստականների մասին և նշել, որ իրենց հայրենիք ետ վերադարձնելու գործընթացն արագացվելու է:
Էրդողանը ելույթի ընացքում անդրադարձ է կատարել Հարավային կովկասում տիրող իրավիճակին ևս: Նա նշել է, որ այս պահին «Հարավային Կովկասում մնայուն խաղաղության կարևոր հնարավորություն է ստեղծվել»:
