Ջարդը տեղի է ունեցել Մեքսիկայի հարավ-արևմուտքում գտնվող Գերերո նահանգի Ակապուլկո քաղաքում։ Այս մասին երկուշաբթի Twitter-ում հայտնել է շրջանի դատախազությունը, փոխանցում է ТАСС-ը։
«Հետաքննություն է սկսվել Ակապուլկոյի Գրանյաս դե Մարկես շրջանում հրազենով հինգ տղամարդու սպանության փաստով»,- ասվում է գրառման մեջ։
Մահացածների ինքնության և ջարդի հնարավոր դրդապատճառների մասին տեղեկությունները չեն հրապարակվում։ Վերջին տարիներին Խաղաղ օվկիանոսի ափին հայտնի հանգստավայր Ակապուլկոն բազմիցս հայտնվել է աշխարհի 50 ամենավտանգավոր քաղաքների ցուցակի առաջին հորիզոնականում, որը կազմվել է Մեքսիկայի հասարակական անվտանգության և Քաղաքացիների խորհրդի կողմից։
Ըստ պաշտոնական տվյալների՝ միայն դեկտեմբերի 2-ից 4-ը Գերերոյում հանցագործների ձեռքով տասը մարդ է մահացել։ Մեքսիկայում 2021 թվականին դիտավորյալ սպանության 33,3 հազար դեպք է գրանցվել։ Կազմակերպված հանցավոր խմբերը և թմրակարտելները հիմնականում պատասխանատու են երկրում տիրող բռնության համար:
