Մեծ քսանյակի երկրների ղեկավարները հաստատել են Ինդոնեզիայում կայացած գագաթնաժողովի արդյունքներով հռչակագիրը, հայտնում է Reuters-ը՝ վկայակոչելով դիվանագիտական աղբյուրներին: Այս մասին գրում է РИА Новости-ն:
Նշվում է, որ ընդգծվել է հացահատիկի գործարքի կարևորությունը և միջուկային զենքի կիրառման սպառնալիքների և դրանց ուղղակի կիրառման անթույլատրելիությունը։
G20-ի անդամ երկրների մեծամասնությունը դատապարտել է Ուկրաինայի կոնֆլիկտը:
Գագաթնաժողովում ռուսական պատվիրակությունը գլխավորում էր արտգործնախարար Սերգեյ Լավրովը։ Նա մասնակցել է երկու հանդիպման՝ նվիրված պարենային և էներգետիկ անվտանգությանը, ինչպես նաև առողջապահական խնդիրներին։ Բացի այդ, նախարարը հանդիպումներ է ունեցել Չինաստանի արտգործնախարար, ՄԱԿ-ի գլխավոր քարտուղար Անտոնիո Գուտերեշի հետ, հեռախոսազրույց է ունեցել Թուրքիայի արտգործնախարար Մևլութ Չավուշօղլուի հետ, ինչպես նաև կարճատև զրուցել է Ֆրանսիայի նախագահ Էմանուել Մակրոնի և Գերմանիայի կանցլեր Օլաֆ Շոլցի հետ։
Ինչպես պլանավորվել էր, Լավրովը Բալիից հեռացել է գագաթնաժողովի առաջին օրվա ավարտին։
