Զինակոչիկները, ովքեր զինվորական ծառայության են անցնում զորակոչի շրջանակներում, չեն ուղարկվի հատուկ ռազմական գործողության գոտի, ասուլիսի ժամանակ հայտարարել է ՌԴ պաշտպանության նախարար Սերգեյ Շոյգուն։
«Զորակոչված զինծառայողները առաջադրանքներ են կատարում զորամասերի նպատակներին համապատասխան, միաժամանակ նրանք չեն ուղարկվի հատուկ ռազմական գործողության գոտի»,-նշել է նա։
Նախարարն ընդգծել է, որ «բոլոր զորակոչիկները, ովքեր ավարտել են ծառայությունը, տուն կուղարկվեն»։
Նոյեմբերի 1-ից Ռուսաստանում մեկնարկել է աշնանային զորակոչը։
