Հուլիսի 2-ին Ադրբեջանի Կենտրոնական հրամանատարական կետում երկրի պաշտպանության նախարար, գեներալ-գնդապետ Զաքիր Հասանովի գլխավորությամբ տեղի է ունեցել ծառայողական խորհրդակցություն։
Երկրի ՊՆ-ից հայտնում են, որ հանդիպմանը մասնակցել են փոխնախարարներ, զորքերի տիպի հրամանատարներ, գերատեսչության գլխավոր վարչությունների, վարչությունների ու ծառայությունների ղեկավարներ։ Տեսակապով հանդիպմանը միացել են «ազատագրված տարածքներում» (Խոսքը Արցախի օկուպացված տարածքների մասին է-խմբ․) տեղակայված զորամասերի և կազմավորումների հրամանատարները։
Հասանովը հանձնարարականներ է տվել՝ ցանկացած պահի պատրաստ լինել հայ ռեւանշիստական ուժերի հնարավոր սադրանքները կանխելու համար։
Նա նաև կարգադրել է հատուկ ուշադրություն դարձնել հատուկ ջոկատայինների մարտական պատրաստությանը։
