Ավելի վաղ սերբական Vecernje novosti թերթը հրապարակել էր փաստաթղթի լուսանկար, որն արգելում է Ռուսաստանի արտգործնախարար Սերգեյ Լավրովի ինքնաթիռի թռիչքը Չեռնոգորիայի տարածքով՝ Բելգրադ կատարելիք այցի համար։ Հրատարակությունն իր կայքում տեղադրել է մի փոքրիկ հատվածի լուսապատճեն՝ «թույլտվությունը տրված չէ» գրությամբ՝ ստորագրված Չեռնոգորիայի մի պաշտոնյայի կողմից։

Ավելի վաղ թերթը հայտնել էր, որ Բուլղարիան, Հյուսիսային Մակեդոնիան և Չեռնոգորիան հրաժարվել են օդային միջանցք տրամադրել Լավրովի ինքնաթիռին, որը պետք է մեկնի Սերբիա։