ՌԴ ԱԳ նախարար Սերգեյ Լավրովը մեկնաբանել է Եվրոպայում տարածված լուրերը ՌԴ նախագահ Վլադիմիր Պուտինի ենթադրյալ հիվանդության մասին. նախարարի խոսքով՝ առողջ մարդիկ, հետևելով Ռուսաստանի ղեկավարի ամենօրյա հրապարակային ելույթներին, դժվար թե նրա մոտ հիվանդության նշաններ տեսնեն։
«Նախագահ Պուտինն ամեն օր հայտնվում է հանրության առաջ: Դուք կարող եք դիտել նրան էկրանների վրա, կարդալ և լսել նրա ելույթները: Չեմ կարծում, որ ողջամիտ մարդիկ կարող են այս մարդու մոտ որևէ հիվանդություն կամ դրա նշանները տեսնել», – ասել է Լավրովը ֆրանսիական TF1 հեռուստաալիքին տված հարցազրույցում։
