Թուրքիան նավեր է հատկացրել Մարիուպոլից մարդկանց տարհանման համար և մոտ ապագայում ակնկալում է դրական առաջընթաց այս հարցում։ Այս մասին չորեքշաբթի օրը հայտարարել է Թուրքիայի ազգային պաշտպանության նախարար Հուլուսի Աքարը։ Այս մասին տեղեկանում ենք ТАСС լրատվական գործակալությունից:
«Մենք մշտական կապի մեջ ենք Ռուսաստանի և Ուկրաինայի պաշտպանության նախարարությունների հետ: Որպես Թուրքիա՝ մենք արել ենք այն ամենը, ինչ պետք է արվի անվտանգ տարհանման համար, ներառյալ նավերի տեղաբաշխումը: Առաջիկա օրերին որոշակի դրական զարգացումներ կլինեն այս առումով, մենք անհամբեր սպասում ենք զարգացումներին»,-նշել է նա:
________
Հիշեցնենք, որ փետրվարի 24-ին՝ վաղ առավոտյան, Ռուսաստանի նախագահ Վլադիմիր Պուտինը հայտարարել էր, որ սկսում է հատուկ ռազմական գործողություն Ուկրաինայի տարածքում, որի խնդիրն է ապահովել Դոնեցկի և Լուգանսկի հանրապետությունների անվտանգությունը, ինչպես նաև հեռացնել Ուկրաինայի «նացիստական ռեժիմը»:
ԱՄՆ-ն ու ԵՄ-ն գնահատել են ՌԴ-ի այս քայլն իբրև Ռուսաստանի կողմից ուղղակի ագրեսիա ընդդեմ Ուկրաինայի տարածքային ամբողջականության և ինքնիշխանության։
Գերագույն Ռադան Ուկրաինայում ռազմական դրություն է մտցրել։
