Ռուս զավթիչները վերախմբավորում են ուժերը՝ վերսկսելու հարձակումը Ուկրաինայի արևելքում, շարունակելու հրետակոծել Խարկովի շրջանը և ուժերը տեղափոխոխում են Բելառուսի տարածք։ Տեղեկանում ենք Украинская правда-ից:
«Հակառակորդը շարունակում է լայնածավալ զինված ագրեսիա մեր պետության դեմ։ Թշնամու հրամանատարությունը, Ուկրաինայի արևելքում հարձակողական գործողության նախապատրաստվելու համար, տեղակայում է հարձակողական խմբի օպերատիվ կազմավորման տարրեր: Ստեղծվել է հրամանատարության և կառավարման համակարգ»,-նշված է Ուկրաինայի զինված ուժերի հաղորդագրության մեջ:
Հաղորդվել է, որ օկուպացիոն զորքերը վերախմբավորվում են և փորձում են բարելավել մարտավարական իրավիճակը Ուկրաինայի հարավի առանձին շրջաններում։ Ուկրաինայի տարածքում ռազմական գործողություններին մասնակցելու համար Ռուսաստանի Դաշնության լրացուցիչ ստորաբաժանումների ձևավորում և տեղաշարժ կա։
Ռմբակոծությունների մեծ հավանականություն կա Բելառուսի օդանավակայաններից գործող թշնամու ինքնաթիռների կողմից:
Հայտնում են, որ զենքի, ռազմական տեխնիկայի և անձնակազմի տեղաշարժն իրականացվում է երկաթուղային և օդային տրանսպորտով։
