ՌԴ նախագահ Վլադիմիր Պուտինը երբեք չի հրաժարվել Ուկրաինայի նախագահ Վլադիմիր Զելենսկու հետ հանդիպումից, բայց կարևոր է, որ այն լավ նախապատրաստված լինի։ Այս մասին հայտարարել է ՌԴ ԱԳ նախարար Սերգեյ Լավրովը։
Ըստ նրա՝ այժմ կարծիքների փոխանակման համար հանդիպումը հակաարդյունավետ կլինի։
Նրա կարծիքով, Պուտինի և Զելենսկու հանդիպման անհրաժեշտությունը կլինի, հենց որ հստակություն լինի Ռուսաստանի Դաշնության համար բոլոր առանցքային հարցերի արդյունքների վերաբերյալ։
Հիշեցնենք, որ փետրվարի 24-ին՝ վաղ առավոտյան, Ռուսաստանի նախագահ Վլադիմիր Պուտինը հայտարարել էր, որ սկսում է հատուկ ռազմական գործողություն Ուկրաինայի տարածքում, որի խնդիրն է ապահովել Դոնեցկի և Լուգանսկի հանրապետությունների անվտանգությունը, ինչպես նաև հեռացնել Ուկրաինայի «նացիստական ռեժիմը»:
ԱՄՆ-ն ու ԵՄ-ն գնահատել են ՌԴ-ի այս քայլն իբրև Ռուսաստանի կողմից ուղղակի ագրեսիա ընդդեմ Ուկրաինայի տարածքային ամբողջականության և ինքնիշխանության։
Գերագույն Ռադան Ուկրաինայում ռազմական դրություն է մտցրել։
