Մոսկվայի Լեֆորտովոյի դատարանը ընդդիմության առաջնորդ Ալեքսեյ Նավալնիին մեղավոր է ճանաչել դատարանի նկատմամբ անհարգալից վերաբերմունքի համար, հաղորդում է Interfax-ի թղթակիցը։
«Նավալնին անհարգալից վերաբերմունք է դրսևորել դատարանի նկատմամբ»,- երեքշաբթի օրը հայտարարված իր վճռում ասաց դատավոր Մարգարիտա Կոտովան։
Բացի արդարադատության հանդեպ անհարգալից վերաբերմունքից (ՌԴ քրեական օրենսգրքի 297-րդ հոդվածի 1-ին, 2-րդ մասեր), Նավալնին, ինչպես հաղորդվում է, մեղավոր է ճանաչվել առանձնապես խոշոր չափերի խարդախության չորս դրվագով (Քրեական օրենսգրքի 159-րդ հոդվածի 4-րդ մաս):
Այսպիսով, ընդդիմադիրը մեղավոր է ճանաչվել իրեն առաջադրված մեղադրանքի բոլոր կետերով։
Նավալնիի դատավճիռը հրապարակվել է Վլադիմիրի մարզի Պոկրով քաղաքի թիվ 2 քրեակատարողական գաղութում արտագնա դատական նիստում։
Պետական մեղադրող կողմը դատարանին խնդրել է նրան դատապարտել 13 տարվա ազատազրկման խիստ ռեժիմի գաղութում՝ երկու տարով ազատության սահմանափակմամբ և 1,2 միլիոն ռուբլու տուգանք սահմանել։
ԹԱՐՄԱՑՎԱԾ։ Դատարանը քաղաքական գործիչ Ալեքսեյ Նավալնիին դատապարտել է ինը տարվա ազատազրկման խիստ ռեժիմի գաղութում և 1,2 միլիոն ռուբլու տուգանքի՝ խոշոր չափի խարդախության և դատարանի նկատմամբ անհարգալից վերաբերմունքի համար։
