Կրեմլը հույս ունի, որ Ուկրաինայում ամերիկյան կենսաբանական լաբորատորիաների հետ կապված իրավիճակը կկարգավորվի։ Ողջ աշխարհին կհետաքրքրի իմանալ, թե կոնկրետ ինչով էին նրանք զբաղվում: Այս մասին ասել է ՌԴ նախագահի մամուլի քարտուղար Դմիտրի Պեսկովը, փոխանցում է «ՏԱՍՍ» լրատվական գործակալությունը:
«Այս թեման, իհարկե, շատ կարևոր է: Եվ այն կարևոր է, հավանաբար, ողջ աշխարհի համար: Հուսանք, որ մենք կկարողանանք գործ ունենալ Ուկրաինայի տարածքում գործող այս հաստատությունների հետ, որոնք իրականում գործել են ամերիկացի մասնագետների կողմից», – ասել է Կրեմլի խոսնակը :
Ինչպես ավելի վաղ հայտնել էինք, Լվովում լաբորատորիաներն աշխատել են ժանտախտի և սիբիրախտի հարուցիչների հետ, Խարկովում և Պոլտավայում՝ դիֆթերիայի և դիզենտերիայով:
ՌԴ ՊՆ-ից հայտնել էին, որ Ուկրաինայի տարածքում ստեղծվել է ավելի քան 30 կենսաբանական լաբորատորիաների ցանց, որի պատվիրատուն ԱՄՆ պաշտպանության նախարարությունն է:
Հիշեցնենք, որ մարտի 6-ին ՌԴ ՊՆ պնդմամբ՝ Ռուսաստանի Զինված ուժերը փաստեր են բացահայտել Ուկրաինայում իրականացվող ռազմակենսաբանական ծրագրի իրականացման մասին, որը ֆինանսավորում է ԱՄՆ-ն։
