Աշխարհը չի հավատում Ռուսաստանի ապագային. միաժամանակ նա պատրաստվում է աջակցել Ուկրաինայի վերակառուցմանը պատերազմից հետո։

Այս մասին Ուկրաինայի նախագահ Վլադիմիր Զելենսկին ասել է տեսաուղերձի ժամանակ, փոխանցում է Ukrinform-ի թղթակիցը։

«Աշխարհը չի հավատում Ռուսաստանի ապագային․ էլ չեմ ասում՝ նրան։ Ոչ մի բառ չի ասում դրա մասին, ոչ մի հեռանկար: Նրանք ամեն ինչ հասկանում են: Նրանք խոսում են մեր մասին, նրանք օգնում են մեզ: Նրանք պատրաստվում են աջակցել մեր վերականգնմանը: Պատերազմից հետո, իհարկե, քանի որ բոլորը տեսան՝ այն մարդկանց համար, ովքեր այդքան հերոսաբար պաշտպանվում են, դա անպայման կգա «պատերազմից հետո», – ընդգծել է ուկրաինական պետության ղեկավարը։

Նա վստահեցրել է, որ շուտով Ուկրաինայի համար կլինի Մարշալի նոր պլան։ Անդրադառնալով Մեծ Բրիտանիայի վարչապետ Բորիս Ջոնսոնի խոսքերին՝ Զելենսկին նշել է, որ Ուկրաինայի արևմտյան գործընկերները կձևավորեն համապատասխան աջակցության փաթեթ։

——————

Հիշեցնենք, որ փետրվարի 24-ի վաղ առավոտյան Ռուսաստանի նախագահ Վլադիմիր Պուտինը հանդես է եկել ուղերձով՝ հայտնելով Դոնբասում հատուկ ռազմական օպերացիա սկսելու որոշման մասին։

«Հանգամանքները մեզնից պահանջում են վճռական ու անհապաղ գործողություններ: Դոնբասի ժողովրդական հանրապետությունները խնդրանքով դիմել են Ռուսաստանին: Դրա հետ կապված որոշում եմ ընդունել հատուկ ռազմական գործողություն իրականացնել»,- հայտարարել է Պուտինը ՌԴ քաղաքացիներին ուղղված հեռուստաուղերձում:

Ուկրաինայի զինված ուժերի գլխավոր շտաբը հայտնել է, որ հինգշաբթի ժամը 5:00-ից (Երևանի ժամանակով 7:00-ից) ՌԴ ԶՈւ-ն ինտենսիվ հարձակումներ է իրականացնում ուկրաինական ռազմական օբյեկտների և օդանավակայանների վրա։

Գերագույն Ռադան Ուկրաինայում ռազմական դրություն է մտցրել։ Ուկրաինայի ՆԳՆ-ն զոհերի և վիրավորների նախնական թիվ է հայտնում։