Արմավիրի մարզի Արգինա գյուղի բարձրադիր հատվածում այսօր՝ հոկտեմբերի 6-ին, հուշաղբյուր է կանգնեցվել՝ ի հիշատակ 3 հերոսների՝ Անդրանիկ Գրիգորյանի, Գնել Ֆիդանյանի և Եղիշե Մարգարյանի։ Մեկ տարի առաջ այս օրն է Ջրականում զոհվել է Անդրանիկ Գրիգորյանը։
Զոհվածների հարազատները պատմում են, որ 2 եղբայրներին զինվորական կոմիսարիատից ծանուցագիր էր եկել: Գևորգը պատերազմ է մեկնել սեպտեմբերի 28-ին, ավագ եղբայրը՝ Անդրանիկը, սեպտեմբերի 30-ին գնացել է նրա հետևից, թեև հարազատները նրան հետ պահելու փորձեր են արել:
«Տան պատերը, անգամ բակը Անդրանիկի ձեռքերի դրոշմն են կրում: Անդրանիկն իր ուզածով, իր ճաշակով էր կառուցել հայրական տան մուտքը, սենյակները ձևավորել էր իր նկարներով: Մանկավարժական համալսարանի շրջանավարտ էր, նկարիչ։ Նշանված էր»,-նշում են հարազատները։
Ըստ նրանց՝ գումարտակի հրամանատարը վիրավորներին տարհանել է մարտի դաշտից՝ ուղարկելով բուժօգնության, սակայն Անդրանիկի ստացած վնասվածքը կյանքի հետ անհամատեղելի է եղել։
«Անդրանիկը պիտի շարունակեր արվեստով զբաղվել, բայց նրա վրձնի գործը հետմահու ցուցադրվեց Էջմիածնում: Թուրքիայի սահմանին շատ մոտ՝ Արգինայի գերեզմանատանը հանգչում են երեք հերոսները։ Երեքի ու հազարավոր տղաների վրեժը լուծված չէ»,-ասացին նրանք։
![Нет описания.](https://scontent.fevn1-4.fna.fbcdn.net/v/t1.15752-9/243821900_338362858087674_8349170471008775816_n.jpg?_nc_cat=111&ccb=1-5&_nc_sid=ae9488&_nc_ohc=_EdorEAZrDEAX-tqXZ0&_nc_ht=scontent.fevn1-4.fna&oh=e5d0737841b13962de0bb8f7214a60df&oe=61833749)
![Нет описания.](https://scontent.fevn1-4.fna.fbcdn.net/v/t1.15752-9/244035456_553933379199893_1193093190114558665_n.jpg?_nc_cat=109&ccb=1-5&_nc_sid=ae9488&_nc_ohc=k1qsEu0lQZYAX-HSnvE&_nc_ht=scontent.fevn1-4.fna&oh=f7780c2b659376f123290ffaa27aba11&oe=618403B9)
![Нет описания.](https://scontent.fevn1-4.fna.fbcdn.net/v/t1.15752-9/243484647_4520150441413068_1427182035294809333_n.jpg?_nc_cat=108&ccb=1-5&_nc_sid=ae9488&_nc_ohc=AryXsC7ldboAX-hCfIB&tn=amRVF522lr0Pe7Um&_nc_ht=scontent.fevn1-4.fna&oh=0bb03186a6608903cad4b8d48d1f8219&oe=61829F99)
![Нет описания.](https://scontent.fevn1-4.fna.fbcdn.net/v/t1.15752-9/242868744_4558163207574689_7026105482637397792_n.jpg?_nc_cat=108&ccb=1-5&_nc_sid=ae9488&_nc_ohc=b7Bx6RoDpq4AX_tUxV6&_nc_ht=scontent.fevn1-4.fna&oh=07a9ab36cc780c172ba897d90a440060&oe=6181D7C6)