BBC-ն Շուշիի մասին ռեպորտաժ է պատրաստել, որում ասված է, որ 2020 թվականի նոյեմբերին Շուշիի գրավումից հետո ավարտվեց Ղարաբաղյան երկրորդ պատերազմը:
«Զինվորականների համար սա ամենակարևոր բարձունքն է: Քաղաքական գործիչների համար այն պատմական կենտրոն է: Իսկ հակամարտության երկու կողմերում գտնվող սովորական մարդկանց համար՝ տուն, որը ավերվել է պատերազմի պատճառով:
1992 թվականից Շուշին գտնվում է հայկական կողմում: 2020 թվականի նոյեմբերի 8 -ից քաղաքը գրավվեց Ադրբեջանի կողմից:
Այն գլխիվայր շուռ տվեց հազարավոր կյանքեր: BBC- ի լրագրողները պատերազմի ժամանակ Շուշիում էին: Այժմ նրանք կրկին վերադարձել են ՝ պարզելու, թե ինչպես են փորձում ապրել քաղաքն ու նրա մարդիկ»,- ասված է հոդվածում:
